Plantillas xeoplano e regletas

Aproveitando o video da sesión de OAOA de fracción-decimal-procentaxe, déixovos aquí a plantilla do xeoplano A4 (con cadrados de 1cm) e un recortable a modo de exemplo para construir regletas de papel ou cartolina. Pode servos moi útil para xogar con fraccións ou facer cálculos. Podedes usar o xeoplano para construir vós mesmos as regletas coloreando os cadradiños.

Clicade nas imaxes para descargar as plantillas

    

Plantilla xeoplano A4

Déixovos aquí unha plantilla de xeoplano en papel (tamaño A4) con cadros de 1cm de lado. Podedes utilizalo para facer exercicios de coordenadas, de medición de áreas e perímetros de figuras, para construir unhas regretas de Cuisenaire en papel...
Hai infinidade de actividades que se poden facer, sobre todo relacionadas con xeometría. Irei colgando algunhas pouco a pouco.
Recordade que, como o lado do cadrado mide 1cm. a área de cada cadradiño é de 1 cm2 (un centímetro cadrado). Son as medidas reais das regretas.

Exemplos de actividades: Debuxa unha figura libre (noon moi complexa) e:

• Mide a súa área e o seu perímetro.
• Escribe as cordenadas dos vértices desa figura.
• Mide (se tes transportador) os ángulos.
• Clasifica os ángulos da figura (agudos, rectos, obtusos...)
• Debuxa a simétrica en horizontal e/ou en vertical. Ten o mesmo perímetro? E a mesma área?
• Debuxa unha figura semellante pero que os seus lados midan o dobre. Como é o seu perímetro? E a súa área?

Recortable de fraccións

Está será a última entrada da semana, para non saturarvos. Aquí podedes descargar un recortable para traballar manipulativamente as fraccións. Está feito a partir da plantilla de xeoplano que colguei hai días. Falta que escribades o valor dalgunha das fraccións. Se tedes dúbidas, consultádeme por mail.
Tamen podedes colorealo vós a partir da plantila vacía, de feito é a mellor maneira de aprender.