Borrón e conta nova

Comeza un novo curso cheo de incertidumes e novas rutinas. Con el, en medio deste tempo de cambios, aproveito para facer un borrón e conta nova. A partir de agora as miñas entradas de cousas de mates estarán neste novo blog:

Cousiñas de mates

😊

Cubo infinito e papiroflexia

A papiroflexia é a arte de transformar o papel en beleza. Case unha ciencia, diría eu. Dende logo, o que é indiscutible, é a súa relación íntima coas matemáticas, en concreto coa xeometría: áreas, formas, ángulos imposibles, volúmes, proporcións...
Unha compañeira vosa, que non vou dicir quen é para que Aldara non se sinta aludida, é moi aficionada á papiroflexia e á xeometría, e fixo este "cubo infinito" que cambia de cubo a prisma só cun par de xiros. Véndese nas tendas como xoguete "antiestrés", pero mola infinitamente máis así.

Animádevos a practicar a papiroflexia. Apréndese un montón e é moi pero que moi divertido !!!

Para quen se anime a practicala, deixo aquí este enlace a Aulas Galegas onde teñen varias entradas adicadas á mesma.

E con esta entrada tan artística, remato as propostas deste curso. Na entrada "solucións retos" tedes as respostas a todos os retos que fun propoñendo desde o inicio do blog. Espero que teñades gozado del tanto como eu.

Nunca deixedes de preguntarvos cousas, de investigar e de aprender.

Que pasedes un moi moi feliz verán !!!

Reto 30. O reto do Xardín

Teño un xardín de 24 metros cadrados de forma rectángular. Propóñovos resolver varias cuestións que vos plantexo sobre el.

• Canto miden os seus lados?
• Canto mide o seu perímetro?
• Pode haber varias solucións diferentes? Se cres que si, intenta pensar algunhas.
• Pode haber un xardín cadrado con esa área? Canto medirían os seus lados aproximadamente?
• Pode haber xardíns con esa área que teñan outras formas? Se pensas que si, intenta debuxalos e calcular as medidas da contorna.
• A que xogos se podería xogar neses xardíns dependendo das formas e medidas que teñan?

Ánimo, que este reto da para moito se o pensades con calma.

Mates na cociña. Ecuacións de froitas

Outro reto moi sano para practicar o cálculo mental. Volvemos a traballar a álxebra desde a cociña. Trátase de calcular canto vale a última fila de froitas tendo en conta o valor das anteriores. Estes pomelos tamén son da horta do profe Nico.

Animádevos a inventar vós algún reto similar !!!

Mates na cociña. Pesada froitas 3

Volven os retos na cociña, esta vez un reto de pesadas de froitas. Non vos preocupedes, esta vez non é moi difícil, só require un pouco de cálculo mental sinxelo. Trátase de calcular canto pesa cada froita. Por certo, o pomelo é da horta do profe Nico, logo fago un zume para refrescarme desta calor. 😋

Animádevos a deseñar vós un reto como este !!!

Obradoiro probabilidade 5º e 6º

Aquí tedes o obradoiro de probabilidade que fixemos a principio de curso completamente contestado. Como era un traballo por grupos, escaneei un deles e completei o que faltaba.
Podedes descargalo para gardalo co resto de traballos do curso facendo clic na imaxe.

Cálculo mental. Restas

O reto de hoxe consiste en facer no menor tempo posible as restas do circuito do fillo de Bigfoot. Podedes facelo mentalmente ou anotando nun papel. Empregade diferentes algoritmos e estratexias para facilitar o cálculo e facelo máis rápido. Abaixo tedes un vídeo de explicativo con diferentes estratexias e algoritmos para a resta. Se queredes mellorar o tempo, podedes facelo varias veces ou inventar vós un circuito de restas como este.

Como sempre, comprobade coa calculadora ao final e intentade atopar o motivo do erros.

Clic na imaxe para facer as restas

Vídeo explicativo da resta

10ª SESIÓN OAOA DIRECTOS. Fracción-Decimal-Porcentaxe

Xa está programada unha nova sesión OAOA en directo. A temática será a segunda parte de FDP (fracción-decimal-porcentaxe). Unha sesión moi interesante para o alumnado de 5º e 6º, para comprender de xeito integral o concepto de número. Tres formas equivalentes de expresar unha cantidade.

Aquí deixo os datos da sesión:

Cando:       Venres 5 de xuño

Hora:         De 18:00 a 19:30 (Península)

Contido:     Fracción-Porcentaje-Decimal (Parte II)

Onde:         Canle de Youtube Marcos Marrero Cárdenas

https://www.youtube.com/channel/UClZf5_QEDlm6c9Qb7lsnDGA


Lembrade que se non  podedes asistir en directo, a sesión quedará gravada na mesma canle de youtube.

Lembrade: solucións dos retos

Lembrade que buscando no blog a entrada chamada "Solucións aos retos" podedes comprobar as solucións aos retos que vou colgando. Por suposto, é para consultar despois de pensar, senón non sería un reto. Colgo as solucións de cada reto uns días despois de colgar o reto.
Tamén podedes atopar esta entrada clicando na etiqueta "Solucións retos", ou facendo clic aquí abaixo.

"Solucións dos retos"

Cálculo mental. Sumas

O reto de hoxe consiste en facer o circuito do fillo de Bigfoot con sumas no menor tempo posible. Podedes facelo mentalmente ou anotando nun papel. Empregade diferentes algoritmos e estratexias para facilitar o cálculo e facelo máis rápido. Por exemplo:

• Descompoñer os números
• Buscar deces
• Empregar dobres
• Redondear as cantidades e despois quitar o que se sumou de máis ou engadir o que se sumou de menos
• Etc...

Abaixo tedes un vídeo de explicativo con diferentes estratexias e algoritmos para a suma.
Non olvidedes comprobar coa calculadora ao final e intentar atopar o motivo do erros.

Clic na imaxe para facer as sumas

Vídeo explicativo

Isto é cousa de alturas

A perspectiva sempre é un factor a ter en conta. Conceptos como grande ou pequeno, longo ou curto, alto ou baixo, son relativos e só teñen sentido cando comparamos un ou máis elementos. Por iso se inventaron as unidades de medida, para falar de valores absolutos, aínda que medir tamén é comparar. Cando medimos estamos comparando o valor dunha magnitude (peso, lonxitude, área...) co valor dun patrón que usamos como unidade.
Neste vídeo vese claramente a idea de que "grande " ou "pequeno" son conceptos relativos.
Fixádevos que indica as medidas en metros (m) e en pés (ft, do inglés feet).

Reto das táboas

Xa está cerca o final do trimestre. Nesta recta final, imos repasar un pouco de todo e os retos desta semana van ir adicados ao cálculo mental. Comezamos por unha proba de rapidez coas táboas de multiplicar, que a estas alturas xa teñen que estar máis que sabidas.
Intentade completar todas as multis do circuito no menor tempo posible. Se queredes mellorar o tempo, podedes repetilo as veces que queirades ou incluso, facer vós o voso propio circuíto.

Comprobade os resultados coa calculadora !!

Sorpresa !!

Acordádesvos da entrada que fixen no blog ao principio do confinamento?Esa que se chamada "Ventás ao mundo en vivo"? Eran enlaces a webcams en puntos estratéxicos para observar animais en vivo. Pois levaba xa varios días sen asomarme e cando o fixen onte, levei unha agradable sorpresa. Mirade quen veu ao mundo neste tempo de pandemia...

Clicade na imaxe se queredes averigualo

Ecuacións de pesadas (reto on line)

Na web educaplus.org propoñen este divertido exercicio de álxebra con pesos. Facede os cálculos mentalmente ou en papel e clicada en cada pesa para darlle o seu valor e comprobar se os cálculos son correctos.

A divertirse coa álxebra !!

Clic na imaxe para comezar on line

La isla verde: Matemáticas, natureza, universo...

Neste video podedes desfrutar dun espectáculo de xeometría, natureza, astronomía, fractais e patróns. Beleza natural en todo o seu esplendor. Espero que con el aumente o voso interese pola observación do mundo natural e a loita polo seu coidado e respecto.
O vídeo está creado coa técnica "Time Lapse" que consiste en tomar moitas fotografías a intervalos de tempo nunha posición inmóbil e unilas despois despois para reproducilas como se fose un video a cámara rápida. Esta técnica axuda moito para buscar patróns e predecir fenómenos meteorolóxicos, comportamentos animais e humanos, catástrofes naturais e medioambientales... 
Este video, en concreto, está rodado na illa de La Palma, coñecida como a "illa verde", no archipielago das Canarias. Déixovos que investiguedes, se vos apetece, por que lle chaman así e todo o que se vos ocorra despois de ver o vídeo.

Para desfrutalo máis, recomendo usar cascos.

Boa finde !!!

Reto 029

O reto de hoxe lévanos de viaxe polo Antigo Exipto. Déixovos unha pirámide secreta. Podedes resolvela on line ou descargar o pdf para facela. Na versión on line podedes facer cantas querades.

        

Cronómetro coas táboas

Supoño que a estas alturas, as táboas de multiplicar xa están totalmente dominadas. Imos comprobalo!!!
Facede este test con cronómetro e comparade o resultado cos anteriores. Seguro que mellorades o tempo un montón. Se non é así, xa sabedes, a seguir memorizando. Neste test, entran todas.

Ánimo e a por todas !!

APP para escaneo co móbil

Déixovos aquí información dunha aplicación para escanear documentos co móbil, chámase "Vflat". É para android (non sei se hai para iOS). Permite escanear todo tipo de documentos (follas, traballos, libros...). Pode gardarse o documento escaneado como imaxe ou como pdf. É moi sinxela de empregar e a calidade do documento creado é boa. Entre outras cousas, aplana o texto, no caso de libros, axuta o contraste, aclara a folla e borra o dedo.

Clicando na imaxe tedes algo máis de información.

Reto 028

Hoxe repetimos reto coa balanza, pero este, un pouco máis difícil.

Muro das palabrotas

Aquí tedes colocadas no muro todas as palabrotas que ides aportando. Lembrade que teñen que ser palabrotas matemáticas de 3º de primaria para arriba. Por exemplo, "suma" sería unha "palabrota" para un neno ou nena de 1º de primaria ou infantil, pero para vós xa é unha palabra moi coñecida e moi traballada.
Podedes facer as aportacións a través dos comentarios desta entrada. Non poñades datos personais, como moito, se queredes, o nome e o curso, sen apelidos nin nada máis.

Facede clic na imaxe para ver o avance do muro.

Reto 027

Lembrades a balanza que tiñamos na aula para traballar o cálculo mental (sumas, multis, ecuacións...). Propóñovos un reto con ela (pura álxebra).

Parabéns !!

Hoxe está de aniversario...

Parabéns: Igor

Cálculo mental. Repaso da resta

Nesta entrada vos deixo un vídeo de repaso con varias estratexias para resolver unha resta (diferenza ou substracción, que son sinónimos). Estas estratexias favorecen as habilidades de cálculo mental.
Non precisan aprender de memoria ningún método baseado nas famosas "levadas" que tantos quebradeiros de cabeza nos deron (e aínda nos dan) aos pais e nais da miña xeración. Recomendo que o vídeo o vexan tamén os vosos pais e nais, se teñen tempo.
No pdf adxunto, fixen unha breve explicación de como poderíamos escribir esas estratexias en linguaxe matemático.

Consello: Propoñede vós problemas sinxelos (con números menores de 100) que se resolvan cunha resta. Despois resolvédeos (primeiro mentalmente e despois por escrito).

Ánimo, porque este repaso vai axudarvos moito co cálculo mental.

Clic na imaxe para ver estas estratexias escritas

Reto 026

Recortable de fraccións

Está será a última entrada da semana, para non saturarvos. Aquí podedes descargar un recortable para traballar manipulativamente as fraccións. Está feito a partir da plantilla de xeoplano que colguei hai días. Falta que escribades o valor dalgunha das fraccións. Se tedes dúbidas, consultádeme por mail.
Tamen podedes colorealo vós a partir da plantila vacía, de feito é a mellor maneira de aprender.

Arte, animación, matemáticas en estado puro

Nesta entrada preséntovos un par de videos curtos dun artista de animación, Andreas Wannerstedt, nos que hai moita moita xeometría (rectas, curvas, polígonos, paralelas, perpendiculares, simetrías...), pero tamén moitas matemáticas de nivel, funcións, álxebra, frecuencia, cálculo...
Desfrutádeos e, se vos apetece, comentades que vedes de matemáticas nos vídeos (novas palabrotas?...).

O número do día

Para os que estades facendo a proposta de buscar curiosidades do número de cada día, propóñovos buscar pola casa algún obxecto que mida en centímetros o mesmo que o número do día no que estamos, por exemplo, hoxe buscaría algo que mida 19cm, xa que é día 19 de maio. Podedes incluír ese obxecto como curiosidade do número, por exemplo: "A miña axenda mide 19cm".

Para que vos animedes e miredes o bonito que queda e a cantidade de cousas que se poden aprender con esta actividade, déixovos unha foto do que fixo unha nena de sexto.

Inventamos un tangram ??

Atrevédesvos a deseñar e construír o voso propio tangram? Pode ser unha experiencia moi chula!! Pero ollo, hai que darlle ao coco para facer as pezas. Clicando na imaxe tedes as instrucións para facer este mini proxecto. Para os máis curiosos, hai moito campo para investigar e para todos, é unha forma de crear un novo xogo.

Papel, cores, tesoiras e a construír !!!

Plantillas xeoplano e regletas

Aproveitando o video da sesión de OAOA de fracción-decimal-procentaxe, déixovos aquí a plantilla do xeoplano A4 (con cadrados de 1cm) e un recortable a modo de exemplo para construir regletas de papel ou cartolina. Pode servos moi útil para xogar con fraccións ou facer cálculos. Podedes usar o xeoplano para construir vós mesmos as regletas coloreando os cadradiños.

Clicade nas imaxes para descargar as plantillas

    

9ª sesión directo OAOA - Fracción-Decimal-Porcentaxe

Para quen non puido ver en directo esta marabillosa explicación de Marcos Marrero sobre as tres formas distintas pero equivalentes de expresar unha cantidade (fracción, decimal e porcentaxe) aquí deixo o enlace á sesión. Xa sabedes que sempre quedan grabadas na súa canle de Youtube.

Moi recomendable para toda a familia!!

(seguramente moitos pais e nais diredes: "que fácil era e que difícil mo explicaron")

Reto 025

Intentade resolver este reto de xeometría e mandádeme a explicación. Pode ser cun debuxo.

Pizarra branca caseira

Aquí vos deixo unha forma moi moi sinxela de facer unha pizarra branca caseira para escribir cun rotulador de pizarra (como o de clase) e borrar as veces que queirades. Xa sabedes que hai rotus de varias cores.

Xa non tedes excusa para non escribir nin debuxar !!

Incluso, unha compañeira vosa decidiu facer na pizarra os traballos para aforrar papel e, de paso, coidar o planeta.

9ª SESIÓN OAOA DIRECTOS

Cando? 
Xoves 14 de maio

Hora?
18:00 a 19:30 (Península)

Onde? 
Canal de Youtube Marcos Marrero Cárdenas

Contido? 
Fracción-Porcentaxe-Decimal (Parte I)

Moi moi recomendable !!!!

Xa sei que a hora non axuda (é a hora do paseo), pero asegúrovos que este tema é moi recomendable para toda a familia. Como en todos os últimos, alí estarei eu. Animádevos.

Reto 024: Facemos un Tangram ??

Déixovos un enlace a un vídeo onde nos contan como podemos construír facilmente un tangram chinés que nos vai permitir facer un sinfín de actividades matemáticas. Desde xeometría hasta medidas, pasando por fraccións, cálculos, proporcións...
Irei propoñendo actividades para traballar co tangram proximamente. Mentres, podedes usalo a modo de reto con figuras de sombras. Deixo abaixo un enlace para as sombras e outro para solucións (neste tedes que facer zoom), pero dádelle ao coco antes de consultar pistas.

Podedes facelo en papel e despois pasao a cartonila, goma EVA, cartón... Empregade toda a vosa creatividade para decoralo. Espero imaxes das vosas creacións. (Consello, decorade ou pintade as dúas caras de cada peza)

Clica nas imaxes

  

     

Reto de sombras                                    Solucións  

Parabéns !!

Queremos darlle os parabéns a...

Parabéns: Mario

Mates na cociña. Receita de filloas

Hoxe almorcei unhas riquiiiiiiiisimas filloas. Acordeime entón de algo que tiña ganas de facer hai tempo, traballar as mates cunha receita de cociña. E cal mellor que esta, sinxela, doada e moi moi rica. Podedes fecela todos e todas (de feito sempre a facedes no entroido). Propóñovos elaborar as filloas e facer as actividades do ficheiro anexo. Lembrade que unha das cousas máis importantes para aprender é facerse moitas moitas preguntas... e despois intentar buscar respostas.

Espero as vosas receitas adaptadas e as fotos dos resultados, se queredes, claro.

Bo proveito !!!

Ksi Meritos con numeritos !!

Por petición popular, poño outra tanda de cálculo. Esta vez cambiando "sacos de Paco" por Ksi Meritos con numeritos (que por certo, alucinei cos prezos deste simpáticos bonecos. Se un deles custa uns 45€, botade contas canto custarán dous ou tres). Unha das fichas vai en branco para que poñedes vós as cantidades todas as veces que queirades, só tedes que imprimila sempre que vos apeteza. Facede algunhas para sumar cantidades e outras para multiplicar.
E intentade facer as multis descompoñendo a cantidade grande. No video de OAOA que vos puxen hai un días explica moi ben como facelo.

Ficha Ksi Meritos 1                Ficha Ksi Meritos en branco

Imaxe: Ksi-merito.net

Un pouco de cálculo mental

Cómo van esas táboas de multiplicar. Supoño que xa están practicamente dominadas todas elas. Lembrade que sempre vos digo que é moi importante memorizalas, unha vez que se entende perfectamente o concepto da multiplicación, para axilizar os procesos de cálculo mental e non ocupar memoria de traballo con procesos que poden estar interiorizados e automatizados. Deste xeito deixamos o cerebro liberado para centrarnos na resolución dos problemas empregando o razoamento lóxico e non perdemos tempo en construír cada vez algo que xa sabemos.

Hoxe vos propoño uns exercicios de repaso de cálculo mental. Chameilles "Os sacos de Paco", xa veredes por que.

Non esquezades comprobar ao final coa calculadora !!

Sacos 1                Sacos 2                Sacos 3

Como sempre, se tedes algunha dúbida, enviádeme un correo.

Reto 023. O número do día

Esta vez, en lugar dun pequeno reto diario, vouvos propoñer un reto que vai durar, como minimo, unha semana (esta semana non colgarei outros). Despois, se alguén quere seguir, pode facelo ata completar o mes.
Trátase de investigar curiosidades e propiedades relacionadas co número de cada día. A idea deuma un neno murciano que fixo isto onte (domingo día 3).

Hoxe é día 4. A ver que se vos ocorre !!!

O Rosco da Palabrotas

Xa que temos o muro das palabrotas, aquí vos deixo un rosco de palabrotas que fixen para repasar cousas que vimos ao longo do curso e investigar outras novas.

Desfrutádeo !!!

Ilusións ópticas

Hoxe, como antesala da fin de semana e para tomalo como algo máis lúdico, deixo un enlace a un artigo onde aparecen 15 ilusións ópticas. Algunhas xa as coñecedes porque levan anos colgadas polas paredes da aula de Belén, pero outras igual son novas. É curioso ver como. ás veces, nos engana o cerebro e as cousas non son o que parecen. Aquí nos explican un pouco estes efectos, cales son os mecanismos que emprega o cerebro para que se produzan. Obxectos do mesmo tamaño que aparentan diferentes, liñas paralelas que non o parecen. As matemáticas poden axudarnos a saír destes enredos a través da medida, do cálculo  da lóxica e das súas verdades absolutas.

Qué importante é estimar, e ás veces, qué imprescindible medir !!!

Parabéns !!

Os parabéns de hoxe son para ...

Parabéns: Helia

Mix de retos lóxicos

Déixovos neste enlace 10 retos de lóxica (algún deles xa o fixemos en clase, a ver se o recordades). Ao final do artigo, están as solucións, pero pensade e dádelle voltas abondas antes de miralas.
 Con este mix e as conexións por video chamada, xa tedes retos para o resto da semana.

Cubo Bafi

Na entrada de hoxe, déixovos uns vídeos para explorar a xeometría xogando a partir dun cubo flexible construido por vós. Este cubo coñecese popularmente como Cubo Bafi. O primeiro vídeo é para construilo e os dous seguintes para ver aplicacións con el. Pinchade nás imaxes para ver os vídeos.

Espero que o desfrutedes moito !!

Construción

                             

Que é Bafi                                                      Aplicacións Bafi

Reto 022

Sesión OAOA directo. División II

Hoxe sábado, ás 18:00, a 8ª sesión en directo de Marcos Marrero, mestre OAOA. Será na súa canle de Youtube (enlace na imaxe).
Esta vez para falar sobre algoritmos da división. Moi interesante para toda a rapazada de terceiro ciclo e as súas familias, para comprender un pouco mellor a forma de traballar o cálculo mental.

Non vola perdades. Eu, alí estarei !!

Para os que non cheguedes a tempo, a sesión quedará grabada na canle de Youtube de Marcos.

Parabéns !!

Hoxe cantámoslle o parabéns a...

Parabéns: Martín

Reto de maxia coa calculadora

Hoxe rompemos un pouco a rutina e propóñovos facer un pouco de "maxia" coa calculadora.

Queredes adiviñar o pensamento? Imos alá.

Podedes facerllo aos vosos pais, nais e familia que teñades cerca, e cando saiamos do confinamento, tamén ás amistades. 

Van quedar coa boca aberta!!

Só precisades unha calculadora e seguir os pasos que vos indico un a un.
Logo de facelo, o reto para vós consiste en averiguar por que pasa o que pasa, onde está a "maxia"? Como sempre, podedes enviarme por mail as conclusións.

BOA FINDE !!

Fonte: Xornadas Imatxina

Cornómetro táboas de multiplicar

Recibín peticións pola vosa parte para que subise máis fichas de cronómetro para as táboas de multiplicar.

Lembrade que tamén as podedes deseñar vós personalizadas (non deixa de ser poñer multis ao chou mesturadas e facer un deseño bonito da ficha).

Aquí quedan os enlaces de varias.

Reto 021

Día da Terra 2020

O 22 de abril celébrase cada año o día da Terra. Déixovos un enlace a un vídeo relacionado co tema. Propóñovos que investiguedes un pouco sobre este evento e todo o que se vos ocurra relacionado co tema: desde cado se celebra, se é necesario, por que é necesario, cantos habitantes hai no planeta, cantos países, cal é o máis extenso, e o menos, cal é o máis poblado e o menos poblado, cantas especies de animais están en perigo de extinción, por que hai catro estacións no ano, por que ten 365 días, que é un día... Paro xa, pero por non cansarvos de ler, porque preguntas teño infinitas...

Vou investigar eu tamén algunha... 👴

Reto táboas multiplicar

Como vai esa memorización das táboas de multiplicar? Hoxe toca poñer a proba os avances coas táboas do 3, do 6 e do 9. Rétovos a facer as dúas fichas en menos de 3 min cada unha. Podedes usar un cronómetro ou un reloxo.  Hai cronómetros online (preguntádelle a google...). Non esquezades comprobar coa calculadora ao rematar.

3, 2, 1 ... XA !!!

Parabéns !!

Hoxe tócalle festexar a...

Parabéns: Elena

Mates na cociña. Aclaración sobre as básculas

Ás veces, cando estamos pesando con básculas de clquera tipo, parece que non das as contas. Por exemplo, no reto das pesadas de froitas, parece que o peso de todas as froitas xuntas non coincide coa suma dos pesos de cada froita por separado. Isto pode ser debido a que a báscula está redondeando os decimais.

Xa sabedes como se redondea a décimas, centésimas, etc.

Deixo aquí un exemplo para que se entenda mellor.

Se queredes calquera aclaración sobre o tema, preguntádesme por mail.

Cálculo mental. A división OAOA

Aquí vos deixo un enlace directo á 7ª sesión en directo que fixo Marcos Marrero (mestre OAOA) sobre a división este pasado sábado. É a primeira parte sobre a división. Próximamente, a segunda. É un video moi recomendable para entender como se debe traballar a división desde a comprensión, empregando algoritmos que fomentan o desenvolvemento do cálculo mental.

Mates na cociña. Pequeno reto

O reto de hoxe volve a ser na cociña a través dun vídeo. Estade con ollo para pausar o vídeo e pensar a resposta antes de que apareza a solución.
Podedes probar vós nas vosas cociñas a facer exercicios de cálculo mental con sumas, restas, multis e divisións.

Animádevos !!!